Мәскеуде балаларды азғындады деген күдікпен республика бойынша "Жыл мұғалімі" атанған Сергей Кочережко ұсталды.

Тергеу мәліметінше, мұғалім сәуір айында метро станциясында вагонда жүріп қыздарға жыныс мүшесін көрсеткен. Күдікті кәмелетке толмаған жолаушыларға шалбарын шешіп, жыныс мүшесін көрсеткен. Балалар бірден жақын маңдағы станциядан түсіп, бұл туралы ата-аналарына айтты.

Полиция қызметкерлері камераларды қарап, бір аптадан кейін ер адамды ұстады. Бұл 32 жастағы тарих және қоғамтану пәнінің мұғалімі Сергей Кочережко болып шықты.

Қазір күдікті қамауға алынды. "Әдепсіз әрекеттер" бабы бойынша қылмыстық іс қозғалды. Мұғалім үш жылдан сегіз жылға дейінгі мерзімге сот белгілейтін белгілі бір қызметпен айналысу құқығынан айырылады.

Сергей Кочережко Самара мемлекеттік университетінің түлегі. 2015 жылы "Жыл мұғалімі" байқауының жеңімпазы атанды. Бұл үшін оған Лада Калина көлігі сыйға тартылды.

2017 жылдан 2019 жылға дейін Кочережко "Артек" халықаралық балалар орталығы негізіндегі орта білім беру мектебінің бірінші орынбасары, содан кейін директоры болды, онда ол қоғамтану пәнінен сабақ берді.