Жіті респираторлық вирустық инфекциялар (бұдан әрі – ЖРВИ) – ауа-тамшы жолымен берілетін және тыныс алу (респираторлық) жолдарының сілемейлі қабығын зақымдаумен қоса жүретін тұмау, парагрипп, аденовирустар және респираторлық-синцитиалдық вирустар тудыратын аурулардың жоғары контагиоздық тобы.

Тұмау немесе грипп – тыныс жолдарының жұқпалы вирустық ауруы. Аурудың қоздырғышы – ортомиксовирустар, олардың үш типі: А, В, С бар. Өте жұқпалы ауру. Сырқат өкпе қабынуы және бронхит сияқты асқынуларға әкеледі. Сондай-ақ, бұрыннан бар жүрек пен өкпе ауруларын қайта қоздырады.

Тұмау мен ЖРВИ клиникасы: 

- Дене қызуының 38-39 С-ға дейін көтерілуі, қалтырау; 

- Бас пен бұлшық ет, тамақтың ауыруы, дауыстың қарлығуы; 

- Жөтелу және әлсіздік; 

- Кеуденің ашып ауруы. 

Берілу жолы: 

- Ауа тамшы арқылы, яғни науқас адамнан сау адамға түшкірген, жөтелген, сөйлеген кезде; 

- Тұрмыстық қатынас арқылы, науқастың ыдысы, сүлгісі, қол орамалы және т.б. арқылы жұғады. 

Алдын-алу жолы: 

- Науқас адамдармен байланыстан алшақ болу; 

- Көпшілік жерде және науқас адамдармен байланыс жасаған кезде бетперде кию; -Инфекцияның таралуын алдын алу үшін қолды сабынмен немесе бактерияға қарсы (құрамында спирт бар) ерітіндімен жуу; 

- Бір реттік қол орамалын қолдана отыра, жөтелген және түшкірген кезде мұрын мен ауызды жабу; 

- Адам көп жиналған жерге барудан барынша шектелу; 

- Бөлмені жиі желдету;

- Кір қолмен көзді, мұрын мен ауызды түртпеу; 

- Тұмауға қарсы екпе алу; 

- Салауатты өмір салтын ұстану (толық қанды ұйқы, таза ауа, белсенді демалыс, дәрумендерге бай тағамдар), ол ағзаның кез келген инфекциямен күресуіне көмектеседі; 

- Аурудың алғашқы белгілері байқалған жағдайда дер кезінде дәрігерге қаралып, ем алу. 

Идияева Б.С,

Шымкент қаласы Қаратау ауданының

санитариялық-эпидемиологиялықбақылау басқармасының

эпидемиологиялық бақылау және қадағалау бөлімінің басшысы