Өткен тәулікте корнавирустан 20 адам, пневмониядан 6 адам қайтыс болды

Бір тәулікте коронавирус жұқтырған 256 адам және пневмонияға шалдыққан 723 адам анықталды.

Барлығы 13 мамырдан бері Қазақстанда 104 071 адам коронавирус жұқтырды, 1 481 адам дерттен қайтыс болды.

1 тамыздан бері пневмониямен сырқаттанған 21 264 адам тіркелді, 243 науқас көз жұмды.

Қазіргі уақытта коронавирустық инфекциядан 14 670 адам ем қабылдауды жалғастыруда. Олардың арасында 62  бала бар. Ауруханаларда  6 339 науқас жатыр. 8 331 адам амбулаториялық жағдайда емделуде.

"Жалпы науқастардың арасында 355 адамның ахуалы нашар. Соның ішінде 78 науқастың жағдайы аса ауыр деп бағалануда. 49 науқас жасанды тыныс алдырту аппаратына қосылды", - деп хабарлады министрлік.

Өткен тәулікте 1470 адам коронавирус індетінен емделіп шыққан, дерттен жазылғандардың жалпы саны 87 920 адам болды.