Түркістан облысында қалалық және аудандық деңгейдегі барлық емдеу мекемелері 100 пайыз интернетпен қамтылған. Бұл туралы Қоғамдық денсаулық басқармасының басшысы Марат Пашимов айтты.

Көрнекі инфографика

– Қалалық және аудандық деңгейдегі медициналық ұйымдар 100 пайыз интернетке қосылған. Барлығына қолжетімді, цифрландырумен толық қамтамасыз етілген. Қазіргі уақытта облыста «Дамумед» медициналық ақпараттық жүйесі жұмыс істейді, – облыстың бас дәрігері Қоғамдық денсаулық басқармасының кеңейтілген алқа отырысында.

Облыс әкімінің орынбасары Арман Сәбитұлының төрағалығымен және емдеу мекемелерінің бас дәрігерлерінің қатысуымен өткен алқа отырысында басқарманың 2020 жылғы қызметінің қорытындылары шығарылып, алдағы жоспары талқыланды.