Түркістан облысында 7 емдеу мекемесі салынуда. Былтыр басталған құрылыстарға бюджеттен 78,5 млрд теңге бөлінген. Бұл туралы Қоғамдық денсаулық басқармасының басшысы Марат Пашимов айтты.

Суретте Марат Пашимов

– Сонымен қатар, 8 нысанды күрделі жөндеуге 1,2 млрд. бөлінген. Оның 6-ында құрылыс жұмыстары толығымен аяқталып, пайдалануға берілді. Ал, материалдық-техникалық базаны нығайтуға 2,4 млрд теңге бөлініп, 1 компьютерлік томограф, 26 желдеткіш және тағы басқа да медициналық құрылғылар сатып алынды,  – деді Марат Орынбасарұлы Қоғамдық денсаулық басқармасының кеңейтілген алқа отырысында.

Облыс әкімінің орынбасары Арман Сәбитовтың тқрағалығымен өткен алқа отырысында басқарманың 2020 жылғы қызметінің қорытындылары шығарылып, перспективалары талқыланды.