Бүгін Төлеби аудандық ауруханасының емханасына Қазақ онкология және радиология ғылыми-зерттеу институтының директоры, медицина ғылымының докторы, профессор, академик Диляра Қайдарова шолу жасады. 

Шолу барысында, бірінші рет емханаға келген науқастардың жүру маршрутына көңіл бөлді, яғни дәрігерге дейінгі кабинеттің жұмысын қарап шықты, сонымен қатар онкологиялық аурулардың алдын алу мақсатымен жүргізіліп жатқан скрининг барысын, оның сапасына, обыр алды ауруларының қаншалықты дер кезінде анықталуына көңіл бөлді. 

Сонымен бірге, ауданымызда диспансерлік есепте тұратын 356 онкологиялық аурулардың уақтылы емін алуы, паллиативтік емнің аудандағы деңгейі жөнінде және Түркістан облысы аудандарында онкологиялық аурулардың алдын алу жұмыстарын жақсарту мақсатында бірқатар мәселелер талқыланды.