Ордабасы ауданының Төтенше жағдайлар бөлімінің бас маманы Пернебай  Қыстаубаев адамдар көп шоғырланатын су айдындарына барып, шомылуға келген азаматтарға және балаларға ескерту жасады. Шомылуға тыйым салынған жерлерге түскен азаматтар әкімшілік жауапкершілікке тартылатынын айтып, жаднамалар таратты. 

Айта кетерлігі, қала аумағындағы су айдындарында қайғылы жағдай тіркелмеген. Алайда, жыл сайын суға шомылу маусымында алғаш болып қауіпсіздік ережелерін сақтамай суға түсетіндер балалар. Сол себепті, кішкентай балаларды қараусыз қалдырмауға, ата-ананың қарауынсыз тастамаумаға кеңес беріледі. Сондай-ақ, ересек азаматтардың суға мас күйінде түсуіне қатаң тиым салынады.

Қатерге ұшыраған адамға көмек көрсеткенде мүмкіндігінше тездетіп оттегі жетімсіздігін қолдан дем алдыру тәсілін қолдану арқылы жойыңыздар. 

- қатерге ұшыраған адамды судан алып шыққаннан кейін оның киімін беліне дейін шешіп, демалу жолдарының жоғары жағын және асқазанын судан босатуға кірісу; 

- қатерге ұшыраған адамның аузын азу тістерінінің әр жағынан саусақпен қармай, немесе қол орамалмен, не дәке оралған пышақ жүзімен, шай қасықтың сабымен немесе жалпақ темір заттпен ашу керек. 

- Ауыз ішін шырыш пен балдырдан тазалау керек. 

- Қатерге ұшыраған адамның жоғарғы тыныс жолдары мен асқазанын судан арылту үшін оның кеудесін көмек көрсетушінің тізесінің бүгілген аяғының үстіне басын төмендетіп салып, кеуде сүйегінің астыңғы бөлімдерін ырғақпен қысып баса беру. Ең жеңіл және тиімді тәсіл - «ауыздан - ауызға» немесе «ауыздан - мұрынға» ауа үрлеу. 

Қатерге ұшыраған адамды бетін жоғары қаратып жатқызып, бір қолды оның мойнының астына жіберіп, екінші қолымен маңдайынан басып, басын мүмкіндігінше шалқайту. Бас бармақпен және сұқ саусақпен қатерге ұшыраушының мұрнын қатты қысып, демді ішке терең алып, оның аузына минутына 18-20 дем салу керек. Қатерге ұшыраушының жүрек соғуын ұдайы қадағалап отыру керек. 

Егер жүрек соғуы тоқтап қалса қолдан дем алдыру мен қатар, жүрекке тікелей емес массаж әдісін қолдану керек, ол үшін: қатерге ұшыраушының жүрек түсына бір алақанды қойып екіншісін айқастыра салу керек, екі колдың да саусақтары көтеріңкі болу қажет, дене салмағын пайдалана, төс сүйекті омыртқа жотасына қарай 4-5 см қысады, жиілігі минутына 70-72 рет.