Кенеге қарсы күрес бойынша Шардара ауданында жүйелі жұмыс атқарылуда. 

2020 жылдың 18 тамызынан бастап, аудандық ветеринария бөлімінің тапсырмасына сәйкес, Жаушықұм ауылдық округініндегі жалпы 345 қора жайға (56000 ш/м) кенеге қарсы дәрі бүрку жұмыстарын жүргізу жоспарланған. Қазіргі таңда 180 қора жайға (27000 ш/м) бүрку жұмыстары жүргізілген. Бүрку жұмыстары әліде жалғасын табуда.

Ауыл тұрғындарының айтуына қарағанда, былтырғы жұмыс та қарқынды жүргізіліп, дәрілеу кезенінен кейін улы жәндіктің көзі жойылған.

Ауылда негізгі күнкөрісі мал шаруашылығы болғандықтан, қорадағы төрт түліктің сау болуы қажет. Сондықтан қазір тұрғындар залалсыздандыру жұмыстарына өздері де көмектесіп жатыр.

Кенені қолмен езген жағдайда немесе қой қырқымы кезінде оның қаны шашырап дерт жұғуы мүмкін. Сол себептен де сақтық шщараларын естеріңізден шығармаңыздар. Мамандар мал жайғаған адамдардың арнайы сақтану киімдерін, қолғап, халат, шалбарды киген дұрыс деп ескертеді. Өйткені кенеден келетін кеселдің қаупі әлдеқайда жоғары.