Нарықтық әрі бәсекеге толы заманда дипломын қолына енді алған жас маманның жұмысқа орналасуы оңай емес. Себебі қайда барсаңда алдымен тәжірибеңнің бар жоғын сұрайды. Ал тәжірибежоқ болса жұмысқа орналасу қиын. «Еңбек» мемлекеттікбағдарламасы дәл осындай жастарға тәжірибе жинақтауға мүмкіндік беріп отыр. Бағдарламаның үшінші бағыты – жастар практикасы жоғары оқу орындары мен колледж түлектерінің меңгерген мамандығы бойынша бастапқы жұмыс тәжірибесін алу мақсатында ұйымдастырылған.  Бағдарлама аясында бүгінде жас түлектер жұмыспен қамтылып, еңбек тәжірибелерін арттыруда.  Сондай жастың бірі  Шымкент қаласының тұрғыны – Әділет Базарбай. 

Жас маман «Радиотехника электроника және телекоммуникация» мамандығы бойынша колледжді бітіріп, жұмыспен қамту орталығында жұмыссыз ретінде тіркелген.  «Еңбек» бағдарламасы арқылы «Қазақтелеком» АҚ Оңтүстік аймақтық телекоммуникация дирекциясының филиалына жолданды. Осылайша жастар практикасы шеңберінде жұмыс тапқан маман жастарды бағдарламаға қатысуға шақырады. 

Биыл қалалық жұмыспен қамту орталығы тарапынан 2500 жасты аталған бағдарлама аясында жұмысқа орналастыру жоспарланған. Жастар практикасы бойынша тәжірибе жинақтап жүрген түлектерге 25 АЕК көлемінде жалақы төленеді. Жыл басынан бері 600-ден астам шымкенттік жас тәжирибеден өтуде.