«Visit Shymkent» орталығы  әлеуметтік туризм бағыты бойынша көп балалы жанұядан шыққан бүлдіршіндерге экскурсия ұйымдастырды. 

Тур  «Ізгілікте жарысайық» қайырымдылық қорымен бірлесе  «Мейірімді жүрек» акциясы аясында қолға алынды. Құрамы 20-дан аса оқушыдан жасақталған топ мүшелері “Шым қала” тарихи-мәдени орталығы, Этноауыл, Түркістан облысының тарихи-өлкетану музейі, Әл-Фараби атындағы қалалық ғылыми-әмбебап кітапханасы және Бәйдібек  би ескерткішіне барып, туристік нысандармен танысты.

Іс-шараның мақсаты - оқушылардың туған өлке тарихы туралы ой-танымдарын арттырып, Шымкент қаласындағы туристік нысандар және көрікті орындармен таныстыру. Балаларға сондай-ақ қаланың тарихы мен жәдігерлері туралы кеңірек ақпараттар берілді. Экскурсия мамандары оқушылардың көкжиегін дамытып қана қоймай, сондай-ақ көтеріңкі көңілкүй сыйлады. 

Ал, арнайы экскурсия аяқталған соң, бүлдіршіндерге «Ладушки» кафетериясы  тарапынан тегін түскі ас және сыйлықтар ұсынылды. Жасөспірімдерді қала тарихымен таныстыруды көздеген арнайы экскурсиялық шаралар алдағы уақыт да жалғасатын болады дейді орталық мамандары.