Листериоз – зоонозды, жұқпалы ауру. Листериоздың негізгі тасымалдаушылары кеміргіштер (тышқандар, егеуқұйрықтар), қансорғыш жәндіктер болып табылады.

Ауыл шаруашылығы жануарларының жұқтыру көзі кеміргіштерден немесе олардың өлекселерінен листериямен ластанған су, жем болып табылады. Көбінесе адамдар жұқтырған су, жаңа піскен көкөністер, жануарлардан алынатын азық-түліктер арқылы алиментарлы жолмен жұқтырады, әсіресе олар сенімді термиялық өңдеуден өтпесе және салыстырмалы түрде төмен температурада ұзақ уақыт сақталса. Сондай-ақ жанаспалы (ауру жұқтырған жануарлар мен кеміргіштерден), аэрогенді (тері, жүн өңдейтін үй-жайларда, сондай-ақ ауруханаларда), трансмиссивті (жәндіктердің, атап айтқанда кенелердің шағуымен), жыныстық жолмен жұқтыруға болады.

Адамдардың белгілі бір тобы ауруға ең сезімтал. Бұл жүкті әйелдер, жаңа туған нәрестелер, қарт адамдар және иммундық жүйесі әлсіреген адамдар.

Листериоздың клиникалық көріністері әртүрлі. Бірыңғай клиникалық классификация жоқ. Листериоздың келесі түрлері бөлінеді:

·                  безді;

·                  гастроэнтериттік;

·                  жүйке (менингит, менингоэнцефалит);

·                  септикалық;

·                  бактерия тасымалдаушы.

Листериоздың алдын алу дератизациялау шараларын жүзеге асырудан, су көздерін және қоғамдық тамақтандыру кәсіпорындарын кеміргіштерден қорғаудан тұрады. Сондай-ақ көкөністер мен жемістерді мұқият жуу қажет; тоңазытқыштан тағамды жақсылап қыздырыңыз;
етті, құсты, балықты дұрыс дайындаңыз;
мяса, сүттен жасалған өнімдерді міндетті түрде термиялық өңдеуден өткізу;
тоңазытқыш пен мұздатқыштың температурасын бақылаңыз.

Егер сіз барлық сақтық шараларын сақтасаңыз, не жейтініңізді және қандай пішінде жейтініңізді мұқият қадағалап, балаларыңызды осыған дағдыландырсаңыз, листериоз белгілерінен аулақ бола аласыз. Болашақта жуылмаған алма үшін ақы төлеудің қажеті болмас үшін өзіңізге және отбасыңызға қамқорлық жасаңыз. Сау болыңыздар!

Д.Т.Ташпулатова

Абай ауданының СЭББ бас маманы