Қарағанды облысында коронавирус індетін жұқтырған бір науқас көз жұмды, деп хабарлайды Stan.kz ақпарат агенттігі.

Белгілі болғандай, марқұм 1958 жылы дүниеге келген ер адам, Шахтинск қаласының тұрғыны.

5 сәуірде пневмония диагнозымен провизорлық госпитальға жеткізілген. 

14 сәуірде ҰМКО шешімі бойынша, СОVID-19 расталған соң Нұр-Сұлтан қаласына ауыстырылды. Негізгі диагноз - екі жақты пневмония, ауыр дем алу.

Науқас 19 күн емделді. Дәрігерлердің барлық шараларына қарамастан, 3 мамырда көз жұмды.

Жалпы, республика бойынша коронавирустан 26 адам қаза тапты:

Нұр-Сұлтан қаласы – 3

Алматы қаласы – 8

Шымкент қаласы – 4

Ақмола облысы – 4

Шығыс Қазақстан облысы – 1

Қарағанды облысы – 2

Қостанай облысы – 1

Маңғыстау облысы – 1

Павлодар облысы – 1

Түркістан облысы – 1