Қазіргі қоғамда қауіпсіздік пен қоғамдық тәртіптің сақталуы әрбір азамат үшін ең маңызды факторлардың бірі болды. Жеке өмірімізде де, қоғамда да заңға бағыну тұрақтылық пен сенімділіктің кепілі. 

Шымкент қаласында соңғы кездері құқық қорғау саласында «Заң мен тәртіп» қағидаты аясында заманауи технологияларды пайдалану арқылы қылмыстың алдын алу және оның жолын кесу бағытында жаңа әдістер қолданылып келеді. Солардың бірі – пилотсыз ұшатын аппараттар, яғни дрондар. Олар патрульдік қызметтің тиімділігін арттырумен қатар, қоғамдағы тәртіпті күшейтетін құралға айналды.

Соңғы болған кезекті оқиға осының айқын мысалы болды. Шымкент қаласында учаскелік инспекторлар жүргізген рейдтік іс-шара барысында дронның көмегімен есірткі заттарын заңсыз айналымға енгізуге әрекет жасаған азамат анықталды. Қазіргі таңда есірткі қылмыстары елдің ең өзекті мәселелерінің бірі. Құқық қорғау органдарының негізгі міндеті – заңсыз заттардың таралуына жол бермеу, тұрғындардың қауіпсіздігін қамтамасыз ету, қоғамдағы тәртіп пен заңдылықты сақтау. Дрондардың көмегімен жасалған бұл операция заманға сай әдіс, және ол құқық бұзушылардың әрекетін жедел бақылауға алу мен олардың жолын кесуге мүмкіндік береді.

Оқиға былай өрбіген. Әуеден бақылау жасап тұрған патрульдік камера күдіктінің әрекетін тіркеді. Дрон арқылы мониторинг жүргізу барысында азамат есірткі салынған ораманы жасырын орындарға қою сәті анықталды. Бұл тек қылмыстық әрекеттің дәлелді бейнежазбасы ғана емес, сонымен бірге құқық қорғау органдары үшін қылмыстық іске жедел араласудың мүмкіндігі болды. Дрон операторлары оқиғаны тіркеп, учаскелік инспекторларға нақты координаттар мен жағдайларды жеткізді. Сол арқылы тәртіп сақшылары күдіктіні дереу ұстады және оның заңсыз әрекетін тоқтатқан.

Заманауи технологиялардың құқық қорғаудағы рөлі орасан зор. Пилотсыз ұшатын аппараттар арқылы тек қылмыстық әрекеттерді бақылау емес, сонымен қатар олардың алдын алу мүмкіндігі де мол. Бұл заң мен тәртіп қағидатын қоғамда сақтаудың жаңа деңгейі. Қоғамда әрбір азаматтың қауіпсіздігі, заңға бағынуы, оның ішінде есірткі сияқты қауіпті заттардың таралуын болдырмау құқық қорғау органдарының басты міндеті. Бұл оқиға сол қағидаттың айқын көрінісі болса керек. Құқық қорғаушылар дронның көмегімен жасырын әрекеттерді тез анықтап, қылмыскердің әрекетін тоқтатып, қоғамдағы тәртіпті сақтау жолында нақты қадам жасады.

Есірткінің заңсыз айналымына қарсы күрес тек қылмыстық қудалау емес, сонымен қатар жастардың, тұрғындардың денсаулығы мен қауіпсіздігін қорғаудың маңызды бөлігі. Қазіргі кезде құқық қорғау органдары тек дәстүрлі әдістермен шектелмей, заманауи технологияларды қолдану арқылы қылмыстың алдын алуда. Дрондардың патрульдік камералары құқықтық тәртіпті нығайтуға бағытталған тиімді құралдар. Мұндай технологиялардың арқасында құқық бұзушылардың әрекеті тез анықталып, олардың алдын алу мүмкіндігі артты. Бұл қоғамдағы заң мен тәртіп қағидатының нақты жүзеге асырылуы.

Шымкент қаласында жүргізілген бұл рейд құқық қорғау қызметкерлерінің кәсібилігін, заңға бағынудың маңыздылығын, сондай-ақ заманауи әдістерді қолдану арқылы қылмыстың алдын алу қабілетін көрсететін маңызды іс-шара. Қоғамдағы әрбір адам заңды сақтау арқылы өз қауіпсіздігін қамтамасыз етеді, ал құқық қорғау органдары осы заңды іс жүзінде жүзеге асырады. Пилотсыз ұшатын аппараттар арқылы жүргізілген бақылау кезінде алынған мәліметтер құқық қорғау органдарына күдіктінің әрекетін толыққанды бағалауға мүмкіндік берді. Құқық бұзушыны ұстау кезінде тәртіп сақшылары нақты ақпаратқа сүйенді, бұл құқықтық процедураның дұрыс орындалуына да кепілдік берді. Сонымен қатар, дрон арқылы тіркелген бейнежазба сотта дәлел ретінде қолдануға толық сәйкес келеді. Бұл заңды сақтау және құқықтық тәртіпті қамтамасыз етудің заманауи жолы.

Құқық қорғау органдарының айтуынша, есірткі заттарының заңсыз айналымына қарсы жүргізілген жұмыстар тұрақты және жүйелі сипатқа ие. Дрондардың көмегімен тек қылмысты анықтау емес, сонымен қатар оның алдын алу, жасырын әрекеттерді дер кезінде тоқтату мүмкіндігі бар. Бұл қоғамда заң мен тәртіп қағидатын нығайтуға бағытталған стратегиялық қадам. Заманауи технологияларды қолдану арқылы қылмыстық әрекеттерді бақылау тек қылмыскерлерді ұстап қана қоймай, тұрғындардың қауіпсіздігін қамтамасыз етудің тиімді әдісіне айналды.

Шымкент қаласында жүргізілген бұл рейдтік іс-шара құқық қорғау органдарының кәсіби дайындығын, заманауи әдістерді қолдану қабілетін және қоғамдағы тәртіпті қамтамасыз етуге деген адалдығын көрсетеді. Сонымен қатар, құқық қорғау органдары қоғамдық қауіпсіздікті қамтамасыз ету бағытында тұрғындармен әріптестік орнатудың маңыздылығын атап өтті. Әрбір азамат заңды сақтау арқылы өз қауіпсіздігін қамтамасыз етеді, ал полиция қызметкерлері осы заңды іске асыруға көмектеседі. Шымкент қалалық Полиция Департаментінің баспасөз хатшысы Бағлан Тұрапбайқызы: «Бүгінгі таңда Шымкент қаласындағы құқық қорғау органдарының жұмысы тек қылмысты ашумен шектеліп қалмайды, олардың алдын алуға бағытталған кешенді іс-шараларды қамтиды. Біз пилотсыз ұшатын аппараттар, яғни дрондарды тиімді пайдалана отырып, құқық бұзушылардың әрекетін уақытылы анықтап, қоғамдағы тәртіп пен қауіпсіздікті сақтауға мүмкіндік аламыз. Қалалық полиция департаменті үшін ең маңыздысы – әрбір тұрғынның қауіпсіздігі мен тыныштығы. Заманауи технологияларды қолдану арқылы біз тек есірткі заттарының заңсыз айналымын бақылап қана қоймай, оның алдын алуға, жасырын әрекеттерді дер кезінде тоқтатуға мүмкіндік аламыз. Дронның көмегімен учаскелік инспекторлар күдіктіні дәл қылмыс үстінде ұстады, бұл да біз үшін нәтижелі жұмыс. Сонымен қатар, біз тұрғындарға заңды сақтау мен тәртіпті сақтау тек полицияның ғана емес, әрбір азаматтың да жауапкершілігі екенін ескерткіміз келеді. Қоғамдағы қауіпсіздік пен тұрақтылық бір ғана органға жүктелетін міндет емес, ол әрбір адамның іс-әрекетіне тікелей байланысты. Сондықтан қала тұрғындарын өз өміріне, өз ортасына жауапкершілікпен қарауға шақырамыз. Дрондардың көмегімен құқық бұзушыны уақытылы анықтау мен ұстау тәжірибесі заманауи технология мен құқық қорғау қызметінің үйлесімінің нақты дәлелі. Бұл тәсіл қылмысты жедел тоқтатуға ғана емес, тұрғындардың сенімін арттыруға, қоғамдағы тәртіп пен заңдылықты нығайтуға бағытталған маңызды қадам болып табылады. Біз барлық тұрғынды заңға бағынуға, қаламыздың көркі мен тазалығына өз үлесін қосуға шақырамыз. Қауіпсіз қала әрқайсымыздың бірлескен еңбегіміздің нәтижесі», - деді.

Иә, Шымкент қаласындағы құқық қорғау тәжірибесі көрсеткендей, заманауи технологияларды қолдану арқылы қылмыстың алдын алу және оның жолын кесу мүмкіндігі артады. Дрондар тек бақылау құралдары ғана емес, сонымен қатар құқықтық тәртіпті нығайтуға бағытталған сенімді құралдар. Қоғамдағы әрбір адам заңды сақтау арқылы өз қауіпсіздігін қамтамасыз етеді, ал құқық қорғау органдары осы заңды іске асыру арқылы тәртіпті сақтайды.

Қоғамдағы тәртіп пен заңдылық тек ережелерді орындау ғана емес, әрбір азаматтың саналы таңдауы арқылы қалыптасады. Шымкенттегі осы оқиға көрсеткендей, заманауи технологияларды қолдану құқық қорғау қызметінің тиімділігін арттыра отырып, қылмыстың алдын алу мүмкіндігін кеңейтеді. Дрондар арқылы жасалған бақылау тек қылмысты анықтаумен шектелмей, құқықтық мәдениетті қалыптастыруға және тұрғындар арасында заңға бағыну қағидатын тереңдетуге де ықпал етеді.

Бұл тәжірибе қоғам үшін маңызды сабақ болды. Қауіпсіздік пен тәртіп жеке бастың ғана емес, барлығымыздың ортақ мүддеміз. Әрбір тұрғын өз әрекеті арқылы қала өмірінің сапасын жақсарта алады. Қоғамда жасалған әрбір дұрыс қадам жастарға да үлгі, құқықтық мәдениет пен азаматтық жауапкершіліктің көрінісі.

Сонымен қатар, мұндай іс-шаралар қоғам мен құқық қорғау органдары арасындағы сенімді нығайтады. Тұрғындар өздерін қорғалған сезінуі үшін полиция қызметкерлерінің кәсібилігі, заманауи әдістерді пайдалану қабілеті маңызды рөл атқарады. Дрондар арқылы қылмысты дер кезінде тоқтату мүмкіндігі тек технологиялық жетістік емес, сонымен қатар қауіпсіз қаланы қалыптастырудағы стратегиялық құрал. Полиция Департаменті мамандарйының айтуынша, алдағы уақытта да мұндай тәжірибе кеңінен қолданылып, құқық қорғау жүйесінің тиімділігін арттыруға, тұрғындар санасын қалыптастыруға және заң мен тәртіп қағидаттарын қоғамда тұрақты түрде орнықтыруға қызмет етеді. Қауіпсіздік – әрбір азаматтың белсенділігі мен жауапкершілігі арқылы қамтамасыз етілетін құндылық. Сондықтан әр тұрғын өз ортасын таза, қауіпсіз және тәртіпті ұстауға атсалысып, қоғамдағы заңдылыққа өз үлесін қосуы қажет. Қалай десек те, заңды білмеу жауапкершіліктен босатпайтынын әрдайым есте сақтайық. 

Аида ӨТЕП