Дүниежүзілік денсаулық сақтау ұйымының (ДДСҰ) анықтамасы бойынша, салауатты жұмыс орны — бұл жұмысшылар мен басшылық бірлесе отырып, барлық қызметкерлердің денсаулығын, қауіпсіздігін және әл-ауқатын жақсартуға ұмтылатын орта. Өндірісте бұл ұғым келесі үш негізгі бағытты қамтиды: Физикалық орта: Техникалық қауіпсіздік, тазалық, жарықтандыру және микроклимат. Психоәлеуметтік орта: Жұмыстағы стресс деңгейін төмендету, ұжымдағы сыйластық. Денсаулықты қолдау: Салауатты өмір салтын ынталандыру.  

Салауатты жұмыс орнының кәсіпорын үшін пайдасы Көптеген басшылар денсаулық сақтау бағдарламаларын артық шығын деп есептейді. Бірақ зерттеулер көрсеткендей, бұл — болашаққа құйылған ең тиімді инвестиция. Маңызды факт: Салауатты жұмыс ортасы қалыптасқан өндіріс орындарында еңбек өнімділігі 20-30%-ға артады, ал ауруға байланысты жұмысқа келмейтіндер саны (больничный) едәуір азаяды. Жарақаттанудың азаюы: Техникалық қауіпсіздік пен тазалық сақталған жерде жазатайым оқиғалар қаупі нөлге теңеседі. Кадрлар тұрақтылығы: Салауатты және жайлы ортада жұмыс істейтін мамандар жұмыстан кеткісі келмейді. Бұл жаңа қызметкерлерді оқыту шығындарын азайтады.

Компания беделі: Әлеуметтік жауапкершілігі жоғары кәсіпорындар нарықта жоғары бағаланады және үздік мамандарды өзіне тартады.

Психологиялық денсаулық — назардан тыс қалмайтын мәселе Өндірістік орындарда физикалық қауіптен бөлек, моральдық-психологиялық климаттың маңызы зор. Түнгі ауысымдар, ауыр жұмыс графигі және үлкен жауапкершілік қызметкерлердің эмоционалды күйзелісіне (выгорание) әкелуі мүмкін. Басшылық тарапынан ашық диалог орнату, еңбекті әділ бағалау және ұжымдық іс-шаралар (тимбилдингтер, спорттық жарыстар) ұйымдастыру бұл мәселені шешуге көмектеседі. 

Қорытынды:Өндірістік орындардағы салауатты жұмыс орны — бұл жай ғана сән емес, заман талабы. «Бірінші байлық — денсаулық» деген қағиданы ұстанған кәсіпорын ғана бүгінгі бәсекелестік заманында биік шыңдарды бағындыра алады. Жұмысшының қауіпсіздігі мен денсаулығына салынған әрбір теңге — кәсіпорынның тұрақты әрі жарқын болашағына жасалған қадам.

К.Адырбаева,

Абай ауданының

СЭББ басшысы